🗓媽媽很忙之Long Time no see‼️
轉眼間2020年1月就已經過咗一半，下個星期就係農曆新年添🧧其實由上年下半年開始一路都好忙，準備哥哥面試小學、包包仔面試幼稚園、請新工人姐姐、加上年尾又特別多節日慶祝活動......🔄
一直都冇停過，本身想12月為各位讀者舉辦一個聖誕Giveaway，但原來兩個小朋友一齊放假係會將我嘅所有時間揸乾晒😝諗住到1月新年小朋友開學嘅時候我就會得閒啲可以繼續完成我嘅計劃，點知哥哥仔一開學就中咗甲型流感😫要停課一個星期喺屋企休息，包包仔同爸爸都差啲被傳染，雖然呢段期間我都有發燒感冒，但做得全職媽媽嘅只能夠頂硬上，真係忙過蜜蜂🐝
依家趁住帶咗哥哥仔去畫畫，等緊佢放學既呢一個鐘可以真正放空坐喺公園，靜靜地上嚟呢到抒發下自己嘅心聲🎤順便報個平安等大家唔好以為我從此消失咗🙈
而家成家都終於病好啦！發覺原來健康真係好重要💪🏻嚟緊嘅呢兩日假期我一定要玩盡佢🤩然後平日嘅時間希望我都可以做到自己想做嘅嘢！就係Giveaway!💕（不過兩隻🐵🐵馬上要放新年假囉！🤪）
大家記住密切期待啦🥰
Search